مهذبون معاً نرتقي
مقالات مشابهة
إنسان طموح .. علي طموحك واحلم .. قصص قصيرة عن الطموح
إنسان طموح .. الموضوع ده طويل شويه بدون مبالغة لو فهمته حياتك كلها هتتغير 180درجة
- (لورا شولتز) : أمريكية من ولايه فلوريدا عندها 63سنه أثارت دهشة العالم كله لما رفعت موخرة سيارة بويك عشان تحرر ذراع حفيدها من تحتها مع إنه عمرها ما رفعت أوزان قبل كده ، وسارعت معظم وكالات الأنباء العالمية لإجراء لقاءات معاها وازاي جابت القدره الخارقة دي ، ومن ضمن المهتمين بالموضوع ده واحد متخصص بالتطوير وتنمية الشخصيه اسمه (تشارلز جافيلد) فراح يقابلها فلقاها حزينه ومكتئبه فقعد يتودد اليها وسألها عن سبب حزنها قالت : اللي مزعلني اني عملت في السن ده حاجة كنت فاكرها مستحيلة وده معناه أن حياتي كله ضاعت لأني لم أحقق حاجات كتير لأني كنت فاكراها مستحيله…
- حاكم دمشق عقد اتفاق مع الصليبين الإمام العز بن عبدالسلام خطب الجمعة وانتقد الاتفاق وادانه فالحاكم حبسه فهاج الناس فنفاه إلي مدينه الكرك فقعد فيها فتره وقرر الرحيل فحاكم الكرك قاله (اقعد معانا يا إمام وهعينك قاضي القضاة) الإمام رفض وقاله كلمه له دلالة وعمق (بلدك يامولاي أصغر من علمي) وسافر مصر وقاد الجيش والشعب ضد التتار وطموحه وصله انه لقب بسلطان العلماء بدل ما يكون قاضي القضاة مدينه صغيره ..
- محمد بن عامر كان بيكتب جوابات الناس مقابل دراهمين ف مدينه قرطبة بالاندلس وعنده 20 سنه وفي مره قال لاصحابه (أنا طموحي أكون أمير قرطبة خلال سنتين) أصحابه ضحكوا عليه وكان التريقه بتاعتهم يوميا بعد سنتين صار بن عامر حاكم الأندلس كلها وأسس الدوله العامرية صاحبه الانتصارات العظيمه…
- الرسام (مايكل انجلو) له كلمة جميلة (الخطر الأعظم ليس أن هدفنا عاليا يصعب تحقيقيه ، بل إن يكون بسيطا متواضعا سهل تحقيقه) فعلا الخطر انك ترضي بالاحلام المتواضعه البسيطة وطموحك ميت .
- النفس ياصاحبي بتحب الراحه والسكون ، والطموح بيستفزها عشان كده نفسك بتضحك عليك وبتحاول تثنيك عن هدفك وتكسلك ودورك ياصديقي إنك تلجم نفسك بلجام حماستك وهمتك وتحط لنفسك هدف كبير توصله.
- ف شغلي كان مجال اول مرة اشتغله والكل احبطني وقالي هتفشل بس صممت وقالت لي والدتي ( العين لاتري إلا الأشياء الكبيره ، والأشياء الكبيره تأتي بصبر كبير ، والصبر الكبير محتاج همه عاليه) وبالفعل حققت نجاح بالجهد والمثابره وتفوقت ع ناس ضعف عمري لاني توكلت ع الله وامنت بذاتي رغم التحديات واكتسبت احترام الكل بطموحي ، شوف النبي علمنا الطموح حتي ف أمور الآخرة فقال” اذا سألتم الله فاسالوه الفردوس الأعلى من الجنة
لمتابعة المزيد من موضوعاتنا عن الأخلاق وأسس التربية يمكنكم متابعة صفحاتنا على الفيسبوك مهذبون و مهذبون جونيور
فكرة وتجميع أ. مصطفى علي
كانوا وأصبحنا
