مهذبون معاً نرتقي
مقالات مشابهة
فن التعامل مع الناس .. أخلاقنا على الموضة .. مهذبون معا نرتقي
فن التعامل مع الناس
احترم مواعيدك.
- لو حتقابل حد الساعة 10 مثلا .. حتحسب وقت المشوار ووقت اللبس و تزود 5 دقايق احتياطي و تبتدي تجهز من الوقت ده.
- لو عندكم اطفال حتزودوا الوقت الاحتياطي بحوالي ربع او نص ساعة.
- لو لقيت نفسك حتتأخر بتبعت رسالة او تتكلم تقول للشخص :
- “سامحني حتأخر ربع ساعة عن المعاد”
لما تكون مع حد أكبر منك:
- ماتمشيش قدامهم.
- صوتك ميبقاش اعلى من صوتهم.
- متقاطعش.
- متستخدمش إيديك كتير و بالخصوص ممنوع تشاور بصابعك (بنشوفها دي كتير قوي).
- ماتحطش رجلك ناحيتهم، (رجل على رجل)
- حس باحتياجتهم و قدمها قبل ما يطلبوا. “اجيب لحضرتك مية” “حضرتك مرتاح
متتكلمش عن نفسك كتير
- محدش بيحب المغتر ..
- خليك متواضع ..
- اسمع بتركيز..
- متتكلمش بطريقة غير لائقة عن الناس وتشتكي محدش بيثق في اللي كثير الشكوى من الناس
- متدخلش في ما لا يعنيك.
- خليك طاقة ايجابية بلاش دايما شريط “الناس مش حلوة … البلد أتغيرت .. الشغل متعب “
الاخلاق مش للمظهرة
- ده طبع مستمر و بيكون بنية رضا ربنا .. يعني مثلا احنا مش بس نقول حضرتك لوالدنا و لكن نقول حضرتك للبواب لو كان اكبر مننا و للموظف اللي بيقضيلنا حاجتنا.
- احنا مش بس نقدم الاكل بشكل حلو لضيوفنا… و لكن كمان لمديرة المنزل و للسواق.
- احنا مش بس نقوم من مكاننا لحد كبير من قرايبنا … احنا نقوم في المترو لاي واحدة او اي راجل شكله تعبان و لو بسيط
لما حد يديك هدية
- تفتحها قدامه مش تركنها (الا لو في ضيوف تانيين عشان متحرجهمش. في الحالة دي حتكلمهم بعدها و تشكرهم). بس لو لوحدكم تفتح الهدية و تشكر فيها و تبينلهم فرحتك بيها… بشياكة طبعا من غير مبالغة.
للرجال
- اهتم بمظهرك و نضافتك دائما.
- المظهر الجميل مش معناه قميص Tommy Hilfiger و شنطة michael kors…. خالص. معناه قميص نضيف و هدوم متناسقة و مناسبة للمكان و الزمان اللي انت فيه.
-
لا تغضب.
- اختار كلماتك كويس جدا وقت الزعل و اعرف ازاي توقف الناس عند الغلط من غير ما تقول اي كلمة مش مناسبة. و افتكروا ان في كتير من الأحيان السكوت بيكون افضل رد .
كن مثقف.
- إقرأ كتب تطورك و تفهمك الدنيا.
- اتعلم من كل الناس مهما كانت مكانتهم الاجتماعية او سنهم.
وإنت بتتكلم
- كلمات “قشطة” و “فاكس” و “بيئة” و “حلقلي” و كل ما يشبه هذه الكلمات بصراحة مش حلوة ابدا ابدا.
- الشتايم ممنوعة منعا باتا و لو بهزار.
- مفيش واحدة تقول لصحبتها “يا كلبة” و لا واحد يهزر مع صحبه يقوله “يا متخلف”.
- افشات الافلام مش كلها تتقال …
الشياكة
مش كلمات انجليزي بنرميها في نص الجمل. و لا لبس على الشياكة و الاناقة انسان اجتهد ان يكتمل فيه حسن الخلق لوجه الله لا لسمعه او رياء.
فن التعامل مع الناس لمتابعة المزيد من موضوعاتنا عن الأخلاق وأسس التربية يمكنكم متابعة صفحاتنا على الفيسبوك مهذبون و مهذبون جونيور
- فن التعامل مع الناس فكرة وكتابة: أ. فرح محمد مصطفى
